CRM كامل مدموج في نفس المنصّة اللي بترد منها: العملاء، وخط المبيعات، والتذاكر، والمواعيد. الوكيل بيفتح الملف ويسجّل كل تفاعل من غير تدخّل بشري.
المحادثات في مكان، والصفقات في مكان تاني، والمواعيد في تطبيق تالت.
وكل حاجة محتاجة حد ينقلها بالإيد — فبتتأخر أو بتتنسي.
وفي الآخر بتاخد قرارك على بيانات ناقصة أو قديمة.
العملاء والمبيعات والتذاكر والمواعيد في نظام واحد — على نفس الملف ونفس المحادثة، فمحدش بيفتح تلات أدوات عشان يفهم عميل واحد.
الوكيل بيستخرج السمات من كلام العميل ويكتبها في حقولك، من غير تدخّل بشري.
حجز، أو عرض مرسل، أو دفعة أولى: المرحلة بتتغيّر لوحدها.
درجة اهتمام، احتمال إغلاق، كشف الركود، والإجراء التالي المقترح.
بتتبني من وصف نشاطك بالعربي، وتعدّل عليها زي ما إنت عايز.
لو مستخدم Salesforce أو HubSpot أو Zoho، بنتوصّل بيه عبر API.
مفيش حد بيفتح شاشة ويكتب. الدورة كلها بتحصل وإنت بترد.
على أي قناة، في أي وقت.
بيفتح الملف، ويكتب السمات في حقولك، ويربط المحادثة بيه.
كل حدث في المحادثة بينقلها للمرحلة اللي بعدها.
التوقّع المرجّح والتحليلات بتتحسب من نفس البيانات.
محدش فتح الـ CRM. الوكيل بيقرأ المحادثة، بيكتب الحقول، وبيحرّك الصفقة من مرحلة للي بعدها.
بتوصف نشاطك بالعربي، ودوفيرا تبني الكائنات والمراحل والحقول. مفيش استشاري ومفيش شهور إعداد — والوصف والبناء دقايق.
الـ CRM بيتغذّى من المحادثات والوكلاء، وبيغذّي التحليلات والإشراف — وكل سجل مربوط بهوية عميل واحدة عبر كل قنواته.
آراء حقيقية من عملاء في العقارات والرعاية الصحية واللياقة.
«اتكلمت مع شركات كتيرة ومن جنسيات مختلفة… الوحيد اللي حسّيت إنه فاهمني هو المهندس طارق. شخصيًا أنا فخور إن الشغل والمستوى ده موجود في مصر مخلنيش أضطر أتعاقد مع شركة إنجليزية أو هندية في نفس المجال.»
«المنصّة سهلة الاستخدام، وساعدتنا في تحسين معدّل التحويل، وأداؤها قوي — خصوصًا في المجال الطبي. الفريق محترف جدًا، وخدمة الدعم عندهم متميّزة وسريعة الاستجابة دائمًا. أنصح بها بشدّة.»
«دوفيرا وفّرت علينا أكتر من ١٠ ساعات في الأسبوع من خلال وكيل الذكاء الاصطناعي ونظام الحجز بتاعهم.»
كل شغلك ومبيعاتك في نظام واحد — والوكيل بيسجّل كل تفاعل من غير تدخّل بشري.
لأ. تقدر تستخدم CRM دوفيرا كموديول مستقل، أو تخلّيه طبقة فوق الـ CRM الحالي بمزامنة عبر API مع الـ CRM عندك — Salesforce أو HubSpot أو Zoho أو أي نظام فيه API — المحادثات بتكتب البيانات، وهي بتوصل للنظام اللي فريقك متعوّد عليه.
كل حاجة قابلة للتعديل: الكائنات، المراحل، الحقول، والقواعد. التعديل بصلاحية أدمن ومعاه سجل نسخ، فتقدر ترجع لأي نسخة سابقة. الـ AI بيبدأ، وإنت بتقرّر.
الوكيل بيستخرج السمات من كلام العميل (ميزانية، مقاس، تأمين، ميعاد) وبيكتبها في الحقول اللي إنت عرّفتها، وأي حدث — حجز معاينة، إرسال عرض، تأكيد طلب — بيحرّك المرحلة. وكل قيمة اتكتبت بالـ AI عليها وسم واضح ومصدرها الرسالة اللي جات منها.
الوصف والبناء دقايق، والمراجعة والتعديل عادة جلسة واحدة. مفيش استشاري ولا فريق تقني — أي حد في الفريق بيقدر يعدّل المراحل والحقول من الواجهة.
جوّه نفس النظام وعلى نفس الملف. التذكرة والموعد والصفقة كلهم مربوطين بنفس العميل ونفس المحادثة، فمحدش محتاج يفتح تلات أدوات عشان يفهم قصة عميل واحد.
احجز ديمو نوريك عمليًا إزاي دوفيرا بترد وتحجز وتفتح ملفات عملائك ٢٤/٧.
