«مخلنيش أضطر أتعاقد مع شركة إنجليزية أو هندية.»
إزاي اتظبّط مساعد ذكي وCRM عقاري لموقع شهريار من المنصّة — من أول لقاء في معرض للذكاء الاصطناعي.
الحكاية بدأت في معرض
في بداية ٢٠٢٦، كان أحمد عاطف بيدوّر على حل ذكاء اصطناعي متخصّص للعقارات لموقعه — شهريار. في معرض متخصّص في الـ AI، اتكلّم مع شركات كتير ومن جنسيات مختلفة وشرح فكرته لكل واحدة.
وبكلامه هو: «الوحيد اللي حسّيت إنه فاهمني وممكن يقدر يساعدني» كان فريق دوفيرا.
اللي اتظبّط على المنصّة
مساعد ذكي على الويب شات
يفتح من أي صفحة في الموقع، بشكل بسيط ومحادثة سهلة
التقاط الليدز (Lead Capture)
كل محادثة بتفتح ملف عميل محتمل ببياناته واهتماماته
CRM عقاري بمراحله هو
كائنات ومراحل مبنية على شغل شهريار — كله جوّه المنصّة
كل ده من نفس المنصّة — من غير أدوات خارجية ولا أنظمة متفرّقة ولا تطوير مخصّص.
أصعب حاجة قابلتنا
التحدي مكانش في الذكاء — كان في التجربة. المساعد لازم يكون شكله بسيط، وفي نفس الوقت المحادثة تُفتح بسهولة من أي صفحة في الموقع.
اتعملت تيم ورك بين فريق دوفيرا ومبرمج الموقع لتذليل العقبات دي لحد ما المساعد وصل لشكله الحالي.
بكلام العميل
في بداية ٢٠٢٦ كنت في معرض متخصّص في الـ AI، لأن كان عندي موقع شهريار للعقارات وكنت شغال على تطويره، ودائمًا كنت بفكّر إني أعمل AI متخصّص في العقارات.
وأثناء الجولة داخل المعرض اتكلمت مع شركات كتيرة ومن جنسيات مختلفة وشرحت لهم الفكرة، بس صراحة الوحيد اللي حسّيت إنه فاهمني وممكن يقدر يساعدني هو المهندس طارق.
وبالفعل بعد انتهاء المعرض اتواصلت معاه ولقيته هو بيشرح من نفسه إحنا ممكن نعمل إيه وإزاي نقدر نضيف قيمة مضافة ممتازة من استخدام AI على موقع عقارات، وابتدى مع المبرمج الخاص بالموقع في عمل تيم ورك لتذليل كل العقبات عشان المساعد يظهر بصورته الممتازة الحالية.
ومن المشاكل اللي قابلتنا وقدر تيم شركة Dovera يحلّها إن المساعد يكون شكله بسيط وفي نفس الوقت سهولة المحادثة أو فتح الشات من أي صفحة في الموقع — ده غير الإمكانيات اللي موجودة في الـ AI نفسه، خصوصًا الليدز.
بجد شكرًا مهندس طارق إنت وكل التيم اللي معاك. شخصيًا أنا فخور إن الشغل والمستوى ده موجود في مصر، مخلنيش أضطر أتعاقد مع شركة إنجليزية أو هندية في نفس المجال.»
عندك موقع أو محفظة عقارية؟
احجز ديمو، وهنوريك على وحداتك ومشروعك إزاي المساعد هيرد ويلتقط الليدز.